伊萬·彼得羅維奇·巴甫洛夫（Иван Петрович Павлов，1849－1936）俄羅斯生理學家、心理學家、醫師。捌摕過諾貝爾生理獎抑醫學獎。汝無範猶會記得小學自然課本咧有講着一个條件反射試驗，無賺，即个試驗敿伊有誠大的关係。
傳說啊，阿巴甫洛夫先有一隻狗...吓？汝對科學無興趣噢，安呢袂要緊，我拄好佇網頂看着一張帖，是懷理工科的學生仔教儂障仔用科學智識緝查某泡查某的，往今仔开始咱來做一下學。當然，咱着沓沓仔來勻勻仔是，食緊是會挵破碗的，今仔就先叫阿巴甫洛夫先教咱頭一譜。
首先，汝逐日噢，共汝意愛，汝煞着的彼个查某饌好早頓，看欲油條包仔囉，抑是麵包牛奶，皆據在汝。反正伊愛食啥汝就饌啥，然後趁伊無注意偷偷囥咧伊桌櫃抑屜櫃咧。囥好了後汝就僜假汝啥乜都毋知，無管伊障仔問障仔磨，汝都毋通講半句話。安呢堅持一兩個月，等彼个查某已經慣勢逐日一到教室抑辦公室就有早頓便便通食，汝就偂烏白枋共伊停捒，暫時免共伊送早頓，伊固定會感覺誠奇怪，然後誠失落，規日恰神神，食啥都無甜無味。
免偌久伊固定會當袂牢，走來揣汝討論，問汝的意見。安呢汝的機會就來囉。猶毋趕緊趁即个機會共伊拿下！
無賺，即个方法就是咱阿巴甫洛夫先研究條件反射的時節發現的。所以說，會曉一仔科學智識是野重要的。會曉一仔科學智識，泡查某的成功率嘛較懸一點仔，汝說是呢！
於庚寅年四月十一
